EDICT ISSUED BY THE FIFTH DALAI LAMA,
APPOINTING SANG-RGYAS RGYA-MTSHO AS REGENT

gong ma hong de’i lung gis       zhes nub kyi lha gnas ches dge ba bde bar gnas pa’i sangs rgyas bka’ lung gnam ‘og gi skye ‘gro thams cad bstan pa gcig tu gyur pa ‘gyur med rdo rje ‘chang rgya mtsho’i bla mar dbang bskur ba’i gtam       dzambu brikshas mngon pa’i nor ‘dzin gyi gzhir ‘khod pa’i nyi ‘og gi skye rgu spyi dang bye brag gdan sa chen po ser ‘bras dge gsum gam du ‘khod pa’i rnam par rgyal ba’i phan bde legs bshad gling pa sogs ris med kyi khrims ldan ‘dus pa’i sde       gsang sngags ‘chang ba g.yung drung bon sogs lha sder gtogs so cog dang       sog po tsho chen bzhi bcu       o rod tsho pa bzhi       mtsho khri shor rgyal mo’i gram du gnas pa’i rgyal po       rgyal rigs       ju nang       tha’i ji       dpon che chung       tha bu nang       ja’i sang       mi bzang       sde dmangs dang bcas pa       skor gsum       ru bzhi       sgang drug ces bod chen po’i rgyal khams su ‘khod pa’i dpon chen dpon skya       rdzong sdod       nang rnam       rta drung       gnyer kha las ‘dzin sogs mdor na mchog dman bar ma mtha’ dag la springs pa       tshe ring rnam gyi she mong gis yangs pa’i sa kun la dbang bsgyur ba bstan ‘dzin chos kyi rgyal po’i lhag bsam dang snying stobs bstan po’i mthus       rgyal       dbang tshong kha pa chen po’i bstan pa bla nas blar ‘degs par mdzad skabs       chu rta pho brang chen po bsam ‘grub rtses gtsos pa’i mnga’ ‘bangs dang       rgyal po nyid kyi rigs brgyud dang bcas pa mtha’ dag gtan pa med pa’i mchod sbyin du sbyor ‘jags mdzad pa’i tshe       chos srid nyis ‘dzin nged rang naas ma lcogs pas ‘jigs rten srid skyong gi ‘khur len sde pa bsod nams rab brtan gyis mdzad pa’i rjes su dgung gcig pa’i mi ngo rdzogs par brten sde pa ‘phrin las rgya mtsho sogs ‘khur len rim pa bkod cing grong smad pa sangs rgyas rgya mtsho ‘di pa sa skyong ‘phrin las rgya mtsho’i rus tsha yin par ma zad       gter gsar rgya can sogs lung bstan ‘ga’ ‘zhig tu bod kyi rje bor ‘os pa lung gis zin pa nas shing yos la ‘khur len byed dgos tshul rgyu mtshan mtha’ gsed nan chags byas kyang zhu nan ches pas ‘khrol cha byed dgos shar       gzhan ma’i ‘os tho mang ba ha cang gi brtag par ma babs shing       gra tshang gnyer pa blo bzang sbyin pa sangs rgyam pa’i ‘og gi brtag pa ngo dkar ba yod gshis rgyu mtshan smos pa       shes ‘dod ni med bka’ gyen ldog mi nus       ‘on kyang brtag pa bskyar nas brling cha dgos tshul byung ba       lo gsum gyi bar ‘tshubs cha med cing bzang bar slar bgegs zhi na mu mthud byed long yong rtsis kyi lo grangs kyi brda’ ‘grems dang bcas khri bkod pa       rang ‘dod chung zhing bstan srid lar rgya’i sar ‘khur bsam che ba dang       khyad par ‘di ga’i ngag bkod las cung zad kyang mi g.yo ba sogs thams cad mkhyen pa dge ‘dun rgya mtshos nye gnas gsung rab par gnang ba’i tsigs bcad kyi brjod don dang mtshungs pa mu mthud thub la re byung ba       sde pa rang yang lo grangs thengs nas ‘tshubs ‘dra ‘byung nyen gyis nan zhus che zhing brtag pa lan gnyis gsum bskyar ba dang       tshangs pa dung thod can la dri ba zhus pa sogs kyang mtshungs pa nas gsar bkod kyi sgo dod par       gzhan pa ‘os dkon zhing       sngar gyi brtag pa lung bstan sogs gang sa nas grong smad pa sangs rgyam pa rang la nan tan du lab par       yal yol sogs thabs sna tshogs las dang len zhing mi ‘dug rung       dun dkar dang chu srin gyi dpe bzhin dgongs pa gtan nas ma ‘khrol phyin phyis skor blo sna       ‘gyur ba’i chos la dung sems che ba zhig yod kyang sde srid ‘di gas mu mthud gnang na smos ma dgos       de min khri ‘don zhig grub pa’i sgo ma dod gong la zhus na       mi dmangs kyang rnam rtog gi ‘char sgo sna tshogs byung dvogs kyis de lam du lus pa yin       da cha bsnyen rdzogs zhig byas pa’i lo gnyis kyi bar bka’ ma bcag par zhus       de nas ‘khur yang byas chog pa dgos tshul zer ba       dngos gzhi rab tu byung na legs pa’i char ‘dug rung thans cad mkhyen pa dge ‘dun rgya mtsho yan bka’ gdams kyi nam thar kho na lhur bzhes la dper ma mtshon       dga’ ldan pho brang lugs gnyis kyi mnga’ thang je ‘phel gyi ‘og zug pa’i phyag mdzod rgya seng gnyis nas bzung da lta phan       sde pa blo bzang sbyin pa tsam ma gtogs tshangs spyod la gnas pa ma byung zhing       lhag par dpal phag mo grub pa dang       sde srid gtsang pa’i stobs ‘byor las brgyal ba       shar dar rtse mdo yan gyi bdag por gyur pa’i dmag dang khrims sogs drag po’i rtsub spyod kyang sna tshogs dgos par       tshangs spyod gcig pos rab byung du ‘gro ba’ang dka’ zhing bsam pa’i ‘gyur khyad drag zhan kun la gtan mi chags pa zhig yong gshis       da lta’i blo ‘di gar sdod pa’i nges pa kyang med       lhag tu dge ‘dun dang ngang pa khyus ‘tsho dgos par gnas grogs sogs gang sa nas lhus thing dka’ bar ma zad       sde dpon chen po’i rigs la blon brgyud sogs drung ‘khor drag pa rnams ‘khor ba dong sprugs lta bu’i blo sna bstung pa rten ‘brel la yang mi legs       bla brang du bdag mo bsten pas mtshon sger gzhung mnyam bsres gzhan blor mi chud pa ni ga la byed       de phyin sger gzhis kyi ‘dzin skyong kyang blos ma bor ba byas na       phugs yul gzung ge zhabs tog tu ‘gyur ba rgya le sku mdun rin po che’i dpe dang bcas mol ba ltar yid ‘jog byed rgyu yin cing       go sa ‘dis bod kyi sde dpon gzhan dang mi dra ba’i rgya bod hor gsum tshang ma’i sne len stabs brel ba rgyun mi chad lta bu’i khag sbyong che bar       la lar nyams ‘char rtsed mo’i gu sangs kyi gzhung las la ‘thus shor dang       mi rnams kyis kyang ‘phya gleng sna tshogs yong ‘dug pa       da cha nyams len gyi snying po ‘di ga’i ngag bkod la dang len ngos tshul ‘chos bdag ldan gyi par bkab med pa’i kho rang gi blo mthun dang       nya stong brgyad gsum la yan lag brgyad pa’i khrims len pa’am       dge sbyor zol sdod gu sangs lta bu gang byed kyang zla rer nyin gsum res las kar le bhor mi yong bas ‘khrol cha byas shing       lo grangs ma dgos zer ba de bzhin byas tshe tshang ma khag bsun dang gzhung rang ‘gros sgo che ba las mi ‘dug gshis       nam lcogs bar ‘khur len byed rgyun bar phyag mdzod bsko bzhag bgyis pa       ‘di ga nas mi chos kyi ‘khur len ma lcogs pa’i bgo tshabs yin gshis       ‘di pas gang byas nged rang nas byas pa dang khyad med pa’i ‘then ‘khyer gyi gleng brjod med par kun gyis bkod pa g.yo med dang       nged dang sde pa’i sel ‘jug sogs byas tshe gzhung don lar rgyar ‘chugs tshabs che bas bden med brdzun bsgrigs kyi g.yo ‘phrul byas chog rgyu min na tshod sogs nas mi lcogs pa’i ‘khur len ‘jog pa shar tshe       nam yin la bzhag pa’i zur pa spyi ‘gre bzhin nyed lugs blo dang sbyar chog rgyu yin pa sogs tshig don rnams la skya ser drag zhan sus kyang tshul bzhin bsgrubs par rjes ‘dzin dang       log par ‘khu bar tshar gcod pas mtshon pa’i legs nyes kyi bstangs ‘dzin ‘dod khams kyi dbang phyug dmag zor rgyal mo dang chos skyong beg tse lcam dral sogs bstan srung rnams kyis ‘phrin las rnam bzhi bsgrub pa’i grogs dang g.yel ba med pa mdzad du gsol       ‘phags pa’i yul du siddhartha       ‘phyogs ‘dir don grub tu grags shing       ‘jam dbyangs gong ma’i rgyal khab tu gyi yi zhes pa dbang thang dang bstun pa sa mo lug gi lo hor zla lnga pa’i dkar cha’i rgyal ba gnyis pa’i tshes la       sde bzhi’i sgo ‘phar rnam par phye ba pho brang chen po po ta la nas bris pa       ja yan tu